Un falecido en Ordes ao caerlle enriba unha árbore cando traballaba na súa leira

A primeira hora da tarde deste martes un home morreu ao caerlle unha árbore enriba cando traballaba na súa leira na localidade de Ordes, concretamente no lugar de Ramos. Ata alí desprazáronse efectivos dos bombeiros do municipio, tamén axentes da Garda Civil e da Policía Local, ademais dos servizos sanitarios.

O helicóptero medicalizado chegou a aterrar pero o home xa estaba falecido e non puideron facer nada por salvarlle a vida.