Cargando resultados...
Falece un home tras caer dun motocultor en Meaño
Falece un home tras caer dun motocultor en Meaño
Os efectivos médicos nada puideron facer por salvarlle a vida á persoa
G24.gal
06/05/2022 13:35
Un home faleceu tras caer dun motocultor e golpear a cabeza contra o asfalto. O suceso aconteceu pasadas as 12:00 da mañá deste venres na parroquia de Xil, no concello pontevedrés de Meaño.
Nese momento, un particular contactaba co 112 Galicia para alertar do accidente.
Acto seguido, desde o CIAE 112 Galicia solicitouse a intervención de Urxencias Sanitarias de Galicia-061, que mobilizou un helicóptero medicalizado ata o lugar dos feitos. Os efectivos médicos nada puideron facer por salvarlle a vida á persoa.
O 112 Galicia tamén pasou o aviso á Garda Civil, á Policía Local, aos Bombeiros do Salnés e ao GES de Sanxenxo.
