Falece unha muller de 77 anos nun atropelo en Carnota

Pasadas as 23:00 horas deste martes producíase un atropelo mortal en Lariño, Carnota. Unha muller morreu cando cruzaba a estrada.

A vítima, de 77 anos de idade, non levaba o chaleco posto e o accidente produciuse nun cambio de rasante.

O coche ía en dirección a Muros dende Carnota e ao pasar por un cambio de rasante o condutor sentiu un golpe e parou aos poucos metros. Volveu andando cara atrás e xa veu no chan unha muller no chan, ferida. Chamou a emerxencias e os primeiros que chegaron foron os bombeiros do GES de Muros e xa se decataron de que a muller estaba falecida.

Florinda cruzaba a diario e varias veces esa da estrada. Vivía soa e adoitaba ir a un pequeno bar do lugar para facer todos os recados, ata para tomar a súa medicación, xa que non tiña unha clara noción do tempo.

As testemuñas din que o coche sufriu moi poucos danos. Só tiña o faro dereito roto. E que o condutor parou aos poucos metros sen saber moi ben o que pasara ata que veu a Florinda no chan e comezou a berrar pedindo axuda. 

Os que a coñecían din que sempre cruzaba en diagonal e que a advertiron en numerosas ocasións de que era perigoso. Ao parecer, o condutor non foi capaz de ver a muller que estaba a cruzar. 

A media de idade dos peóns está nos 80 anos, xente maior que cruza que non ten axilidade. Os fillos e familiares temos que convencelos para que  cando saian leven prendas reflectoras para que os demais usuarios os vexan, asegura Héctor Teixeira, axente da Garda Civil de Tráfico.