O Defensor do Pobo comprométese a mediar para baixar ao Villa de Pitanxo
O Defensor do Pobo comprométese a mediar para baixar ao Villa de Pitanxo
O Canadá non ve impedimento legal para baixar ao Villa de Pitanxo
As autoridades españolas din que non se pode chegar ao buque por cuestións técnicas
O defensor do pobo, Ángel Gabilondo, comprometeuse este mércores a mediar ante a autoridade competente para estudar a posibilidade de acceder ao pesqueiro galego Villa de Pitanxo, afundido o pasado 15 de febreiro cando navegaba a unhas duascentas millas das costas canadenses.
Gabilondo reuniuse este mércores en Madrid cos familiares de vítimas do naufraxio.
A voceira das familias, María José de Pazo cualificou a reunión de "bastante produtiva" e gabou a empatía e a proximidade do defensor do pobo e do seu equipo.
Gabilondo afirmou "que el non pode decidir, pero si mediar", e ofreceu "o seu total apoio a partir de hoxe mesmo".
Antes, os familiares dos falecidos no naufraxio entrevistáranse coa embaixadora do Canadá en España, Wendy Drukier. A embaixadora confirmoulles que non existe impedimento legal ningún para acceder ao barco.
Lembramos que o afundimento do Villa de Pitanxo deixou 9 mariñeiros mortos e 12 desaparecidos.
