Un peón queda ferido de gravidade ao ser atropelado na Fonte dos Ranchos, en Lugo
O atropelo súmase a outros rexistrados recentemente noutros cruzamentos da cidade
Un peón foi atropelado na Fonte dos Ranchos, en Lugo. A vítima é un home que quedou ferido de gravidade, polo que tivo que ser mobilizada unha ambulancia do 061. O suceso produciuse no cruzamento coa rolda do Carme, no luscofusco e con chuvia.
Este último atropelo súmase a outros rexistrados recentemente en circunstancias similares. Fora o caso, a finais de xaneiro, dun septuaxenario alcanzado por outro vehículo nun cruzamento problemático da rúa San Roque.
Outro punto que pode resultar perigoso é o paso de peóns da estación de trens, que foi desprazado por mor das obras e que perdeu parte da pintura.
Na mesma xornada en que un peón era atropelado na Fonte dos Ranchos, un ciclista tamén foi alcanzado por un coche na estrada N-6 á altura da rotonda da Tolda de Castela.
