Ferido grave ao estouparlle uns fogos de artificio nunha festa privada en Silleda
Ferido grave ao estouparlle uns fogos de artificio nunha festa privada en Silleda
O ferido, de 62 anos e empregado dunha empresa pirotécnica, está na unidade de coidados intensivos do Complexo Hospitalario Universitario de Santiago
Estaba botando bombas de palenque para unha festa privada cando a chispa dunha delas prendeu no material que levaba no maleteiro do coche, provocando unha explosión
A explosión accidental duns foguetes de artificio durante unha celebración privada na noite de onte deixou unha persoa ferida de gravedade no lugar de Altamira, na parroquia de Cira (Silleda).
O ferido é un home de 62 anos, empregado dunha pirotécnica, que estaba botando unhas bombas de palenque ao carón do seu coche cando a chispa dun deles prendeu no material pirotécnico que había dentro do maleteiro, provocando a deflagración.
O 112 recibiu unha chamada de aviso dos asistentes á festa pasadas as nove e media. Ata o lugar deprazouse unha ambulancia, que trasladou ao ferido con queimaduras e traumatismos ata o Hospital Clinico de Santiago. Tamén acudiron ao lugar efectivos da Garda Civil, da agrupación de Protección Civil de Vila de Cruces e unha unidade de Bombeiros do Deza.
A forza da explosión foi tal que ademáis do vehículo calcinado provocou danos noutros tres coches aparcados ao carón e rompeu os cristais dunha casa próxima. O ferido, natural da parroquia estradense de Berres, permanece ingresado na unidade de coidados intensivos do Hospital Universitario de Santiago e evoluciona favorablemente.
