Ferido grave un menor ao sufrir unha caída de bicicleta en Nigrán
Ferido grave un menor ao sufrir unha caída de bicicleta en Nigrán
O mozo saíu do camiño por un desnivel duns tres metros e caeu á estrada principal
.png)
Un menor quedou este martes ferido de gravidade tras sufrir unha caída de bicicleta en Nigrán, como consecuencia da cal perdeu a consciencia.
Todo ocorreu pouco antes das cinco desta tarde no Camiño de Rial, na confluencia coa PO-325.
Segundo relataron os distintos alertadores, o mozo saíu do camiño por un desnivel duns tres metros, aproximadamente, tras atoparse cun turismo de fronte, e caeu á estrada principal. O impacto provocoulle lesións graves.
Tras estabilizalo, o equipo de Urxencias Sanitarias de Galicia-061 evacuou o ferido ao centro hospitalario de referencia.
Ademais dos sanitarios, desde o 112 Galicia solicitouse a intervención dos axentes da Policía Local e Garda Civil de Tráfico, así como dos membros do GES do Valmiñor e Protección Civil da localidade.
Ademais, foron necesarios os equipos de limpeza e mantemento da vía para recuperar as condicións de seguridade. Por conseguinte, avisouse ao persoal da Axencia Galega de Infraestruturas.
