Ford e Vodafone propoñen senllos eres para o 30 por cento do seu cadro de persoal

Ford anuncia o despedimento de 1.600 traballadores da súa planta de Almussafes, en Valencia. 

É o cuarto ere que propón a compañia nos últimos catro anos, mentras espera pola nova carga de traballo prevista para 2027 coa fabricación dun novo vehiculo.

Para daquela, a empresa comprométese a recontratar un milleiro dos traballadores despedidos.

Tamén este mércores a empresa Zegona, que acaba de mercar Vodafone, anunciou un ere para 1.200 traballadores en toda España, máis do 36 por cento de todo o cadro de persoal.

A dirección da compañía di que o fai por razóns económicas e organizativas, tras perder 400.000 clientes desde 2022.