Frío polar e aire cálido africano na mesma semana
Frío polar e aire cálido africano na mesma semana
A primavera é a responsable do tempo cambiante
Pasaremos de frío e neve na montaña de Lugo a temperaturas de 30 graos
"Antes había inverno e había verán, e agora, con isto que están facendo, o clima cambiou todo", opina un home. "A primavera xa de por si é un cambio brusco, pero por riba isto, un día calor e outro frío, é imposible", comenta a súa muller.
Pois ollo co que vai vir esta semana. As temperaturas van subirse a unha montaña rusa.
"Si, é certo, é que esta semana comezamos con temperaturas suaves, mércores e xoves as temperaturas baixarán e bastante, de forma notable, nalgún punto pode ser extraordinaria a baixada", di Alberto Romero, meteorólogo Meteogalicia.
E tanto, como que se agarda frío polar e precipitacións en forma de neve na montaña de Lugo. Durará pouco. O domingo volve a calor, pero non unha calor calquera.
"O domingo, luns e martes, poderían ser xornadas onde si, as temperaturas poidan chegar novamente á barreira dos trinta graos", continúa.
Este tempo tan cambiante é propio da primavera e ten moito que ver co desprazamento das masas de aire, diferente en cada estación.
"Entre novembro, decembro e xaneiro, xa en outubro tamén practicamente todas as borrascas circulan de oeste a leste", apunta Alberto
Na primavera móvense de norte a sur, e viceversa.
"Pois aí temos esa loita de masas de aire frías con masas de aire cálida, polo tanto o que temos é inestabilidade atmosférica".
Inestabililidade ou directamente un tempo tolo.
