Conde reclama os 1.200 megawatts que precisa Galicia para proxectos industriais
Conde reclama os 1.200 megawatts que precisa Galicia para proxectos industriais
O vicepresidente primeiro lembra o compromiso do Goberno central de ter lista a nova planificación eléctrica o 30 de marzo
Galicia necesita 1.200 megawatts adicionais para poder desenvolver proxectos industriais de relevancia. A cifra lembrouna o conselleiro de Economía, Industria e Innovación.
Francisco Conde recordou o compromiso do Goberno central de ter lista a nova planificación eléctrica o 30 de marzo, e de incluír a nova subestación Novo Vigo que dará servizo a Stellantis e á zona industrial da Cidade Olívica.
"Ata o momento non houbo reacción por parte do Goberno. Había un compromiso para que a modificación se fixese antes do 30 de marzo. As empresas non poden agardar... e creo que nese sentido esperamos que haxa unha resposta inmediata", asegura o vicepresidente primeiro.
