Genoveva, de Sarreaus, celebra o seu centenario lúcida e con folgos

Genoveva Franco, do concello de Sarreaus, entra no club das persoas centenarias na compaña dos seus seres queridos. 

A familia, as fillas, un xenro, os netos e os bisnetos sorprendérona cun xantar aproveitando que moitos deles viaxaran a Galicia para pasar as festas.

Din que o segredo da súa lonxevidade está en todo o que traballou durante a vida. Veciña da parroquia da Cortegada, ten aínda memoria e folgos dabondo para incorporar unha cifra máis á súa idade.