Importantes e atractivos descontos no Salón do Automóbil de Vigo

Co mercado expectante diante do avance do coche eléctrico e coa auxe das vendas por Internet, os amantes dos vehículos seguen sendo fieis a citas como esta na que poden ver de preto os vehículos e nas que adoita haber substanciosas ofertas.

A imaxe de marca é a motivación das 60 firmas presentes aquí que agardan a visita de 40.000 visitantes.

Ver xoias como o Lamborghini de 500.000 euros forrado en fibra de carbono é outro dos reclamos para moitos. No salón atopamos empresarios que buscan renovar a frota ou familias que buscan un vehículo co que poidan subir ao monte e levar os cans, por poñer algúns exemplos.