Imputado por estafa un home que marchou sen pagar dun restaurante de Mondoñedo

Reservou mesa nun restaurante do centro de Mondoñedo, non escatimou en prezos á hora de pedir comida e bedida e aproveitou un descoido para marchar sen pagar. Fíxoo non sen antes pedir un taxi, sen contar co que ocorreu despois.

E é que o hostaleiro avisou o taxista cando xa estaban en ruta cara a Ribadeo, e o chofer alertou a Garda Civil e levou o cliente ao cuartel. Os seus compañeiros da parada mindoniense aseguran que farían o propio no seu lugar.

Luciano López, taxista: "Paréceme lóxico como reaccionou o compañeiro, porque estamos vendidos sempre. Si se me deu o caso de pedirme un servizo sen diñeiro, que adoito facelo. Outra cousa é descubrir polo camiño que non ten, que aí ao mellor si me cabreo".

En poboacións pequenas, como é Mondoñedo, non adoitan darse este tipo de casos. Sinalan que nas grandes cidades marchar sen pagar, tamén do taxi, é máis común do que parece, pero con tan só nove taxistas resulta moito máis difícil que non se avisen entre eles.

Luciano López, taxista: "É máis complicado. De feito, adoitamos dicilo e aínda se debería dicir máis. Se mo fan a min, é moi fácil que llo fagan ao compañeiro. Coñecémonos todos e debemos avisarnos se alguén é problemático".

Ao cliente que marchou sen pagar saíulle caro, posto que agora está imputado por un delito de estafa.

O investigado marchou sen pagar dun restaurante sito na praza do Concello