Ingresado no hospital de Lugo un home de Guntín pola malleira que lle deu un veciño

Foi ao pechar as galiñas cando a vítima recibiu a malleira. Supostamente, os autores foron un veciño da aldea de Mosteiro, no concello lugués de Guntín, e o seu fillo.

Daquela non era consciente do sucedido, pero cando a súa muller o viu entrar deseguida o socorreu. Pediu axuda ao fillo, que foi quen o trasladou ao hospital de Lugo, onde está ingresado.

A agresión foi denunciada á Garda Civil, que xa tomou testemuña aos implicados na liorta, veciños da mesma aldea. O ancián ten orde de distanciamento respecto da vítima.