Ingresado no hospital de Ourense un home de 45 anos con feridas de arma branca

O 061 recibiu unha chamada de alerta pouco antes das cinco da madrugada deste sábado. Por circunstancias sen determinar, un home de 45 anos quedara ferido por unha arma branca en Ourense.

Os servizos de urxencia enviaron unha ambulancia asistencial para atender a vítima no lugar dos feitos pero, a continuación, foi trasladado ao Complexo Hospitalario Universitario de Ourense (CHUO).