Investigan por denuncia falsa catro exalumnas da Escola de Arte Dramática de Vigo

Investigan por denuncia falsa as catro exalumnas da Escola de Arte Dramática de Vigo que en 2020 denunciaran tres dos seus profesores por acoso sexual e abuso de poder.

A causa arquivouse sen chegar a xuízo por falta de probas, pero os profesores estiveron suspendidos durante o ano e medio que durou o proceso.

Agora un deles decidiu denunciar as catro mulleres que deberán comparecer no mes de xuño no xulgado número seis de Vigo, que as investiga por denuncia falsa.

Unha delas é na actualidade profesora da Escola de Arte Dramática.