Investigan un veciño de Carballedo por intentar atropelar catro persoas cun tractor
Investigan un veciño de Carballedo por intentar atropelar catro persoas cun tractor
As dilixencias policiais foron remitidas ao Xulgado de Primeira Instancia e Instrución de Chantada
A Garda Civil investiga un veciño de 45 anos de Carballedo como presunto autor dun delito de atropelo a varias persoas con maquinaria agrícola, concretamente cun tractor.
Segundo as persoas denunciantes, que son unha parella, o seu fillo e outro parente, o suposto agresor tratou de levalos por diante co seu tractor.
Os feitos que están a ser investigados tiveron lugar na aldea de Alence, na parroquia de Santa María de Carballedo. Ao parecer, uns e outros arrastraban desavinzas polo uso das terras nesta contorna.
Unha vez foi imputado, o tractorista denunciou á súa vez as supostas vítimas do intento de atropelo, por ameazas e por intento de agresión. Segundo asegurou, as outras catro persoas implicadas, todas veciñas da Barrela, intimidárono e trataron de agredilo armados cuns paus.
A consecuencia da súa denuncia sobre o acontecido no lugar de Alence, os axentes abriron unha nova investigación. As dilixencias policiais sobre o caso foron remitidas ao Xulgado de Instrución de Chantada.
Impútanselle delitos de ameazas, lesións e intento de atropelo a catro persoas cun tractor. Os feitos delituosos tiveron lugar nunha parcela agrícola situada no termo municipal de Carballedo, cando supostamente tras unha discusión, a persoa investigada agride e intenta atropelar as súas vítimas.
As dilixencias policiais foron remitidas ao Xulgado de Primeira Instancia e Instrución de Chantada.
