Pérez Jácome, de novo alcalde de Ourense grazas a un pacto "in extremis" co PP
Pérez Jácome, de novo alcalde de Ourense grazas a un pacto "in extremis" co PP
Gonzalo Pérez Jácome recibiu o apoio dos dez concelleiros de Democracia Ourensana, polo que gobernará en minoría a terceira cidade de Galicia
Os sete edís do PP votaron a Manuel Cabezas, os seis do PSdeG-PSOE a Francisco Rodríguez, que tamén recibiu o apoio dos catro nacionalistas do BNG
O Concello de Ourense celebrou o pleno da súa constitución este sábado ao mediodía. Non houbo sorpresas e na primeira das votacións ningún dos candidatos logrou a maioría absoluta. Jácome obtivo o apoio dos dez edís de Democracia Ourensana, Francisco Rodríguez sumou os seis votos dos socialistas e mais os catro dos nacionalistas do BNG, polo que empatou a dez votos e os concelleiros do PP, sete, déronlle o apoio a Manuel Cabezas.
Tras esta votación e, como establece a lei de réxime local, ao non lograrse a maioría absoluta de 14 votos ningún dos candidatos, quedou proclamado alcalde de Ourense o líder de Democracia Ourensana, Gonzalo Pérez Jácome.
Repite como rexedor de Ourense no seu segundo mandato consecutivo. Democracia Ourensana e o Partido Popular chegaron a un acordo para deixar gobernar a lista máis votada no concello de Ourense e na Deputación. Os sete concelleiros populares votaron polo seu cabeza de lista, Manuel Cabezas, e Jácome recibiu o apoio dos dez edís de Democracia Ourensana.
Vai gobernar en minoría os próximos catro anos, como xa o fixera na maior parte da lexislatura que acaba de rematar.
