Jorge Prado: "Este ano podo chegar a un nivel que nunca tiven"
Jorge Prado: "Este ano podo chegar a un nivel que nunca tiven"
O lucense acadou a súa primeira vitoria no mundial 2022 na proba disputada este pasado fin de semana en Portugal
É segundo na clasificación xeral do mundial , soamente superado polo esloveno Tim Gajser o que sinala coma o gran rival na loito polo título
Este fin de semana buscará repetir éxito no Gran Premio que se disputa en Trentino no circuíto de Pietramurata
Jorge Prado acadaba este fin de semana a vitoria no Gran Premio de Portugal disputado en Águeda e onte xogaba Ao contraataque:
"Competir tan preto de Galicia axudoume. Había moitísimos galegos, baixaron moitísimos espectadores e sentín moitísimo apoio. Na segunda manga, as últimas voltas fixéronseme moi longas. Autopresionarme ao non poder fallar non me axudou, fíxome baixar o ritmo pero puiden rematar segundo para gañar e lévome a vitoria que facía moita falta. Foron as voltas máis longas do que levamos de campionato. Levaba moito tempo sen gañar, facían 252 días dende a última vitoria. Pasan moitas cousas pola cabeza, é difícil centrarse e é aí onde poden saír os erros. Tiña tantas ganas de gañar que ata me podería prexudicar pola presión. Esta vitoria vai ser un antes e un despois no campionato. Vou polo bo camiño e creo que este ano podo chegar a un nivel onde nunca estiven. Creo que Gajser e eu somos superiores ao resto. É meu principal rival. O máis importante é seguir traballando duro e que nos respecten as lesións".
