Jorge Prado ten na súa man revalidar o campionato do Mundo de MXGP

Tras un campionato no que o esloveno Tim Gajser e Jorge Prado repartíronse o liderado do Mundial, o lucense encarará esta fin de semana en Castela A Mancha unha oportunidade única para revalidar o título que logrou o pasado ano.

O seu triunfo en China, sumado á caída do esloveno, colocou ao lucense na primeira posición da xeral a falta dunha soa proba para a conclusión do campionato. E o destino quixo que a súa última oportunidade para repetir título sexa no seu país, concretamente no circuíto de Cózar de Castela A Mancha.

Con sete puntos de diferenza sobre Tim Gajser, Prado ten nas súas mans a opción de levantar o segundo título mundial consecutivo.

Non foi unha tempada sinxela para o lucense. Tras proclamarse campión do mundo o curso pasado, este ano tocoulle sufrir o talento de Tim Gajser, que se colocou líder do mundial tras o GP de Portugal. Prado recuperou o trono, pero o esloveno pelexouno durante todo o calendario ata a súa caída na proba celebrada en China.

A presión polo título fixo que o esloveno cedese un terreo vital que Jorge Prado pode e debe aproveitar na última cita do campionato para levar o título mundial.

A G2 e AGalage.gal, ofreceran as dúas probas do domingo en directo.