Máis de 800 emigrantes poderán regresar a Galicia cun traballo asegurado
Máis de 800 emigrantes poderán regresar a Galicia cun traballo asegurado
A maioría son profesionais de gran cualificación e de sectores moi demandados polas empresas galegas
A súa volta será posible grazas ao programa Retorna posto en marcha pola Fundación Nortempo en colaboración coa Xunta de Galicia
A iniciativa resulta moi atractiva para o mundo empresarial, que na actualidade sofre unha crise pola falta de man de obra. As empresas demandantes pertencen a sectores moi diferentes.
Son máis de oitocentas persoas as que xa poderían comezar a traballar en Galicia nos próximos meses. Todos eles son emigrantes ou descendentes destes que queren retornar. Moitos son profesionais de gran cualificación, como enxeñeiros e médicos.
O programa Retorna ten como obxectivo facilitar o regreso de 30.000 persoas. O Goberno galego, impulsor da iniciativa, xa lle pediu ao executivo central que promova a homologación dos títulos universitarios doutros países.
A maioría proceden da Arxentina, O Uruguai, Venezuela ou Cuba, veñen cun contrato laboral dun ano como mínimo, ademais de asesoramento e formación.
