Malestar veciñal en Vilagarcía por un narcopiso cun amplo historial de incidentes
Malestar veciñal en Vilagarcía por un narcopiso cun amplo historial de incidentes
O último suceso saldouse cun detido que pelexaba por entrar na vivenda
![](https://img-g24-crtvg.flumotion.com/prog24/2024/20240611/NARCOCASAVILAGARCIA_frame_2511.png)
Novo incidente na narcocasa dos Duráns, en pleno centro de Vilagarcía. Os veciños denuncian que levan xa varios anos padecendo a inseguridade que xera ese punto de venda de drogas establecido nunha casa ocupada ilegalmente.
Nun dos episodios que os veciños relatan como habituais, un home discutía con outro e coas persoas do interior da vivenda. O home é moi coñecido na contorna desta casa por provocar incidentes semellantes e foi detido por axentes de varias patrullas da Policía Local de Vilagarcía que está situada a escasos cen metros do lugar.
Situacións como a vivida onte repítense continuamente, aseguran os veciños que din ter medo dos ocupantes e os visitantes da casa. Non entenden que non se poida facer nada ao respecto mais aló de actuar cando sucede un episodio violento.
Desde o Concello trasladan a responsabilidade dunha posible denuncia ao propietario do inmoble, e sen ela e unha orde xudicial, aseguran, nin a Policía Nacional nin a Local poden facer moito máis.