O transporte marítimo a Ons e ás Cíes podería restablecerse este venres

Vaise restablecendo así a normalidade despois de tres días en que estas viaxes ás Illas Atlánticas tiveron que ser suspendidas por mor do mal tempo. Foron días de moito traballo para os operarios destas navieiras que se puxeron en contacto con todas as persoas que tiñan billetes reservados para ofrecerlles o reembolso ou a reprogramación da viaxe. 

"Ofrecéndolle unha alternativa ou ben a viaxe para outro día, agora temos viaxes a partir de mañá e o que resta de Semana Santa e as fins de semana, e a partir de maio a diario. Os locais prefiren adiar pero os doutras comunidades escollen a devolución dos cartos porque ao mellor non van estar aquí", explica Noelia Iglesias, coordinadora da navieira Mar de Ons.
 

E infórmanos tamén de que mañá mesmo van poder recuperar algúns dos barcos, aos poucos que se achegan á billeteira, de xeito presencial.

"Mañá, exacto. Temos rutas cara ás Cíes desde Vigo ou Cangas e para viaxar á illa de Ons desde o porto de Bueu", explicou Remedios Pérez, traballadora da navieira Nabia.

Se as condicións acompañan, desde o sábado tamén se poderá viaxar a Ons desde Portonovo e Sanxenxo.