Máxima igualdade entre o Deportivo Abanca e o Cacereño (0-0)

O Deportivo Abanca e o Cacereño resolverán a eliminatoria no partido de volta despois do empate sen goles no encontro de ida xogado en terras estremeñas (0-0). 

Había moito respecto, e os dous conxuntos miraron de manter a súa porta a cero con moitas precaucións defensivas. O Deportivo Abanca puido adiantarse ao comezo nun remate de Ainhoa Marín que se espetou contra o traveseiro. Foi a mellor ocasión do cadro coruñés ao longo de todo o partido. 

O Cacereño gañara os dous enfrontamentos ligueiros (2-0 e 0-4), pero desta volta non atopou o xeito de tombar a resistencia coruñesa. Gozou de boas ocasións, nas que sempre se estrelou contra a defensa e a portería do Deportivo.