O Deportivo Abanca cae goleado en Tenerife (5-1)

O Deportivo Abanca disputou esta mañá o primeiro partido do ano. En Tenerife apañou unha goleada, 5 a 1, logo dun pésimo segundo tempo.  

Porque as cousas comezaron moi ben para as coruñesas, que chegaron ao descanso gañando grazas a un gol de Henar Muíña aos 25 minutos. O resultado puido ser incluso curto para os merecementos do Deportivo. Todo virou na segunda metade co dobrete da nixeriana Gift Monday, que afundiu animicamente o equipo de Fran Alonso. Babajide, Zaremba e Diki completaron o castigo ata o 5 a 1 final. O Deportivo Abanca precisaba un punto para abandonar as posicións de descenso nas que continuará unha semana máis.