Miles de persoas manifestanse en Santiago contra a suba de prezos e a precariedade

Miles de persoas maniféstanse en Santiago contra a suba de prezos e a precariedade.

A protesta convocada polo BNG reclama das Administracións medidas para frear o que consideran unha "estafa á cidadanía" máis desfavorecida. Saíron da Alameda compostelá e encheron a praza da Quintana con pancartas que reclaman medidas "valentes e contundentes" que apoien a maioría social.  A voceira nacional do BNG, Ana Pontón, considera "indecente" que as eléctricas e a banca obteñan beneficios millonarios mentres moitas familias "non teñen para pagar a calefacción".

Reclamou unha intervención pública da enerxía e unha tarifa eléctrica galega. Dixo que a actuación da Administración central e autonómica supón que "paguen os pratos rotos" os de sempre. Pediu unha "saída xusta e galega" da crise de prezos.