Montederramo amosa os mellores exemplares de vacún na Festa da Carne

Montederramo, na terra de Caldelas, é o concello con máis vacas da provincia de Ourense. Hai máis ca xente, tocan a dez por veciño. Unhas sete mil cabezas repartidas nunhas 80 explotacións que son o sustento económico da comarca.

Da cría do gando vacún viven aquí case todas as familias. A maioría son xente nova que crían as reses en extensivo e cos mellores coidados. Están adaptadas ao pastoreo e a estar fóra todo o ano, e iso notase na calidade da carne.

Como cada día do Pilar, móstranas precisamente para que os asistentes vexan as súas características. Comproban de primeira man a calidade destes exemplares de raza rubia galega, caldelá ou vianesa e tamén poden mercalos. 

Tamén poden probar a carne, elaborárona rinchada, ao caldeiro ou en empanada, máis de 1500 quilos. Tamén puideron levala en fresco.