Morre un dos sete monxes atacados no mosteiro de Gilet en Valencia

Faleceu o monxe de 76 anos que permanecía en estado moi grave no Hospital Clínico de Valencia tras ser atacado este sábado na súa congregación do Santo Espírito do Monte de Gilet, en Valencia, xunto con outros seis relixiosos.

O ataque produciuse o sábado, cando o agresor, que, previsiblemente, pasará este martes a disposición xudicial, accedeu ao recinto e chegou ata os cuartos nun dos pisos superiores e, segundo explicaron outras relixiosas testemuñas do sucedido, agrediu sete deles con paus e unha botella ao berro de "Son Xesucristo e vou matar os frades".

Outro dos monxes feridos, de 95 anos, foi trasladado do Hospital de Sagunto ao Clínico e este luns regresou ao primeiro centro, onde permanece ingresado, mentres que outro dos agredidos, de 66 anos, continúa hospitalizado en Sagunto.