Morre un home ao caer dun andamio en Cospeito
Morre un home ao caer dun andamio en Cospeito
O falecido é Manolo Lamas, delegado do Rácing Club Vilalbés e pai de Simón Lamas, adestrador do primeiro equipo
Os sanitarios desprazados ao lugar só puideron confirmar o falecemento
Un home faleceu este mediodía ao caer dun andamio mentres traballaba nunha casa en Cospeito. Segundo puido saber a Televisiónde Galicia o operario estaba reparando o lousado da vivenda.
O falecido é Manolo Lamas, delegado do Rácing Club Vilalbés e pai de Simón Lamos, adestrador do primeiro equipo.
Os feitos aconteceron na parroquia de Seixas. Ata o lugar do sinistro acudiu o persoal do servizo de urxencias sanitarias do 061 os axentes da Garda Civil pero non puideron facer nada por salvarlle a vida.
🔴#AXEGAInforma dun varón falecido en #Cospeito despois de caer dun andamio.
— 112Galicia (@112Galicia) October 2, 2023
Acudiu o persoal do Servizo de Urxencias Sanitarias de Galicia-061, que tan só puideron confirmar o seu pasamento e os axentes da @guardiacivil pic.twitter.com/0LSxhWCZ3a
