Cargando resultados...
Falece un home esmagado por unha vigueta en Ribadumia
Falece un home esmagado por unha vigueta en Ribadumia
O falecido estaba sulfatando unha parra de viña cando chocou cun poste e a vigueta que se apoiaba nel caeulle enriba
G24.gal
03/07/2024 19:04
Última actualización 03/07/2024 20:33
Un home faleceu esta tarde en Ribadumia ao caerlle enriba unha viga mentres estaba sulfatando unha viña.
O accidente ocorreu no lugar de Besomaño arredor das seis da tarde.
A vítima ía sulfatando co seu tractor cando chocou contra un poste da viña. Ao mover o poste, a vigueta que se apoiaba nel caeu enriba do tractor e esmagou o home.
O home tiña arredor de 60 anos.
Urxencias sanitarias enviou o helicóptero medicalizado á zona, pero os equipos sanitarios xa non puideron facer nada pola súa vida.
