Positivo en alcol o mozo de 19 anos detido tras fuxir do atropelo mortal no Pino
Positivo en alcol o mozo de 19 anos detido tras fuxir do atropelo mortal no Pino
O arrestado quedou en liberdade con cargos á espera de xuízo
Duplicou a taxa permitida para un condutor novel
O falecido, de 67 anos, ía acompañado dunha muller que quedou ferida leve
Un home de 67 anos faleceu este primeiro de xaneiro atropelado na localidade coruñesa do Pino por un vehículo que fuxiu.
Segundo informaron testemuñas presenciais, o suceso ocorreu pouco antes do mediodía deste luns, cando un vehículo atropelou tanto ao home falecido como a unha muller que o acompañaba, que resultou ferida leve.
Os dous camiñaban por unha estrada local que vai desde a parroquia de Ferreiros a Dodro, nun lugar non moi lonxe da súa vivenda, segundo as primeiras informacións.
Tras o sinistro, o condutor abandonou o lugar dos feitos. O peón afectado faleceu a consecuencia do golpe, mentres que a muller foi atendida por persoal sanitario no mesmo lugar do suceso. Foi trasladada a un hospital pero o seu estado non reviste gravidade.
Pouco despois a Garda Civil, que se fixo cargo da investigación, detivo na súa casa o suposto autor do atropelo. Trátase dun mozo de 19 anos, veciño da zona, que deu positivo no test de alcolemia que lle realizaron os axentes que levan a investigación. Duplicou a taxa de alcol permitida para un condutor novel. O estado da outra persoa ferida no sinistro non reviste gravidade.
O mozo quedou en liberdade con cargos á espera de xuízo. Podería enfrontarse á acusación de homicidio imprudente e de omisión do deber do socorro.
