Morre un home de 77 anos atropelado no centro de Compostela

Un home de 77 anos faleceu atropelado esta tarde en Santiago de Compostela .

O suceso ocorreu ás tres e cuarto da tarde na céntrica Rúa Hórreo, no paso de peóns que hai xusto en fronte ao Parlamento de Galicia.

O servizo de urxencias sanitarias 061 desprazou ao lugar unha ambulancia, pero os sanitarios xa non puideron facer nada por salvarlle a vida.

Axentes da Policía Local tomaron declaración ao condutor da furgoneta para determinar as circunstancias deste accidente.