Morre un septuaxenario en Lugo tras envorcar co seu tractor
Morre un septuaxenario en Lugo tras envorcar co seu tractor
O vehículo agrícola envorcou nun noiro e a vítima quedou esmagada
O home xa falecera cando chegaron os servizos de emerxencia
Un veciño de Lugo morreu nun accidente co seu tractor cando estaba a realizar labores agríolas nun terreo situado no Camiño da Costa, no barrio de San Fiz.
Por causas que se descoñecen, o vehículo envorcou ao precipitarse por un noiro, e o condutor, de 74 anos, faleceu esmagado. Foron os seus propios familiares os que atoparon o seu corpo sen vida, que liberaron coa axuda dos residentes na zona.
Tras alertaren o 112, tamén acudiron os servizos de emerxencia e a policía, que custudiou o cadáver ata que foi levantado. O suceso causou unha fonda conmoción neste barrio lugués, onde toda a veciñanza coñecía a vítima.
A policía investiga agora as causas deste sinistro cun tractor que non tiña cabina nin arco de protección.
🔴#AXEGAInforma dun home que perdeu a vida tras envorcar co tractor na súa finca.
— 112 Galicia (@112Galicia) June 21, 2024
➡️Cando os medios chegaron ao punto a vítima xa estaba liberada, aínda que desgraciadamente sen vida.
📍 Camiño da Costa, Lugo.
🚨Urxencias Sanitarias de Galicia-061, @policia e Policía Local. pic.twitter.com/bkMgK7IBkz
