Morre un home na Estrada nun accidente do tractor co que traballaba
Morre un home na Estrada nun accidente do tractor co que traballaba
Un home faleceu ao quedar atrapado baixo un tractor na Estrada. Os feitos producíronse no lugar de Picáns, na parroquia de San Pedro de Parada (A Estrada), e foi un particular quen alertou, pasadas as 17:30 horas, o 112 Galicia para informar de que un home acababa de sufrir un accidente co tractor co que traballaba e quedara atrapado debaixo.
Desde o 112 solicitouse a colaboración de Urxencias Sanitarias de Galicia-061, da Garda Civil e do GES, da Policía Local e de Protección Civil da Estrada. Unha vez no lugar, os servizos sanitarios só puideron confirmar o falecemento do home.
Segundo indicaban os membros do GES da Estrada, este quedou atrapado baixo o tractor, equipado cun remolque, que caera por un terraplén.
🔴#AXEGAInforma dunha persoa que resultou falecida tras sufrir un accidente e quedar atrapada baixo un tractor no lugar de #Picáns, na Estrada.
— 112Galicia (@112Galicia) November 19, 2022
Interveñen: sanitarios, @guardiacivil, #GESAEstrada, Policía Local e Protección Civil da Estrada.
➕ℹ️👉 https://t.co/OAOeCHcOMk pic.twitter.com/BNmvqwbL0C
