Morre un home ao caer desde o tellado dunha casa en Becerreá

Os servizos de emerxencias AXEGA informan do falecemento dun home como consecuencia da caída desde o tellado dunha casa na localidade lucense de Becerreá.

Todo indica que o home estaba a realizar arranxos no tellado da vivenda cando se precipitou ao chan por causas que se descoñecen.

 Ademais do persoal sanitario, que só puido certificar a morte do home, desprazáronse ata o lugar do accidente os Bombeiros de Sarria, efectivos de Protección Civil e axentes da Garda Civil, que investigan as circunstancias do tráxico suceso.

🔴#AXEGAInforma dun home falecido en #Becerreá, posiblemente, a causa dunha caída sufrida mentres trataba de arranxar o tellado da casa. Ademais do persoal sanitario, que tan só puido certificar a defunción, interviñeron os #BombeirosSarria, a @guardiacivil e #ProtecciónCivil

— 112Galicia (@112Galicia) March 19, 2022