Morre un traballador en Ponteceso ao caerlle enriba un muro de pedra
Morre un traballador en Ponteceso ao caerlle enriba un muro de pedra
O accidente laboral produciuse no lugar de Anllóns de Arriba, na parroquia de Anllóns
Un traballador de 47 anos, veciño de Cabaña de Bergantiños, faleceu este venres en Ponteceso ao caerlle enriba un muro de pedra.
Segundo informou o servizo de emerxencias 112 Galicia, o accidente laboral produciuse no lugar de Anllóns de Arriba, na parroquia de Anllóns, por causas que polo momento se descoñecen.
Foi un veciño quen deu a voz de alarma, contra ás 12:30, indicando que o home estaba atrapado baixo as pedras. Na propia comunicación co 112 advertía de que se trataba dun muro de obra dunha casa.
🔴 #AXEGAInforma dun traballador que faleceu ao caerlle encima un muro de pedra en Ponteceso.
— 112Galicia (@112Galicia) May 3, 2024
📍 Anllóns de Arriba, parroquia de Anllóns.
➡️ Os efectivos do GES de Ponteceso encargáronse de liberar o corpo.
🔗 https://t.co/Np45YaRXHj pic.twitter.com/FMp2W7XHOX
Ao chegar ao lugar do suceso, o equipo da ambulancia e o médico de atención primaria confirmaron o falecemento do operario.
Efectivos do Grupo de Emerxencias Supramunicipal (GES) de Ponteceso foron os encargados de liberar o corpo do falecido.
A Garda Civil fíxose cargo da investigación para tratar de esclarecer as circunstancias en que se produciu este accidente que eleva a 14 a cifra de falecementos en accidente laboral en Galicia no que vai de ano.
