Morren dous nenos e a súa nai ao derrubarse un edificio na provincia de Nápoles

Xa son tres as persoas falecidas ao virse abaixo un edificio na localidade de Saviano, na provincia de Nápoles. Entre as vítimas, todas da mesma familia, hai dous irmáns menores de idade: unha nena de catro anos e un neno de seis.

Posteriormente, os equipos de rescate atoparon baixo os cascallos o corpo sen vida da súa nai. O fillo menor da familia, de dous anos, foi rescatado con vida xunto ao seu pai, aínda que este último atópase en estado moi grave.

O edificio derrubouse debido á explosión dunha bombona de gas no segundo andar do inmoble. Alí vivía a avoa dos cativos, de 80 anos, á que seguen buscando entre os cascotes.