Mulleres de Lugo padexan como terapia contra o cancro de mama
Mulleres de Lugo padexan como terapia contra o cancro de mama
O río Miño sérvelles para curar física e psicoloxicamente
En só seis meses xa están competindo por toda España
Padexar cara ao futuro é o lema non oficial das mulleres de Lugo e doutras zonas de España e do mundo que forman o equipo Dragoas. No piragüismo atopan a mellor terapia contra o cancro de mama que padecen ou padeceron. O río Miño é o mellor lugar para combater a doenza. En só seis meses xa formaron un equipo co que están a competir por toda Galicia e España. Estas son algunhas das súas opinións:
"Conseguimos recuperarnos das secuelas, mellorar a forma física e obter un mellor estado anímico por estar tamén ao aire libre", di Belén Gómez.
"Non é unha cuestión de forza senón de técnica. Estes movementos son os mellores para a nosa doenza", explica Merce Fernández.
"Estou moito mellor fisicamente e no eido psicolóxico tamén atopei un forte apoio con estas mulleres", indica Kayleigh Vantassel.
"Isto é unha terapia pero tamén nos gusta competir. Nunca pensabamos gañar e cada vez estamos máis preto", remata Merce.
