Na parroquia vilalbesa de Oleiros levan máis dunha semana sen teléfono fixo nin Internet

Unha avaría fixo que os veciños e os negocios de Oleiros, en Vilalba, quedasen sen teléfono fixo nin Internet. O problema débese á rotura dun cable no barrio de Carracedo, que é a zona máis afectada. Como resultado, non poden teletraballar, e ademais a cobertura móbil tamén falla.

Os usuarios levan máis dunha semana queixándose á compañía teléfonica que lles dá servizo. Aseguráronlles que habían de pasar para arranxar a avaría, pero ata o momento o problema aínda non foi solucionado. 

Iso si, a factura teléfonica segue a chegarlles aos afectados como se o servizo funcionase correctamente.