Nebulossa vai representar España en Eurovisión tras gañar o Benidorm Fest
Nebulossa vai representar España en Eurovisión tras gañar o Benidorm Fest
En segunda posición quedou St. Pedro, con 139 puntos, seguido de Angy Fernández, con 128
Nebulossa venceu na gala final do Benidorm Fest. EFE/Morell
Nebulossa gañou a terceira edición do Benidorm Fest e representará España en Eurovisión 2024 coa súa canción Zorra, que obtivo 156 puntos. En segunda posición quedou St. Pedro, con 139 puntos, seguido de Angy Fernández, con 128.
Completan a clasificación Jorge González con Caliente, Almácor con Brillos Platino, María Peláe con Remitente, Sofía Coll con Here to Stay e, o pechacancelas foi Miss Caffeina, co seu tema Bla, Bla, Bla.
A terceira edición do Benidorm Fest chegou ao seu fin cunha gala conducida por Ruth Lorenzo, Marc Calderó e Ana Prada na que participaron oito finalistas, saídos das dúas semifinais que se levaron a cabo esta semana.
A banda alacantina Nebulossa, a revelación da edición, confiou nunha escenografía con vermellos e dourados para interpretar o seu tema Zorra. Mery Bas cantou enriba dun sofá circular acompañada por dous bailaríns, que acaban quitando boa parte da roupa.
