Neutralizan unha bomba da II Guerra Mundial achada nunha vivenda de Mondariz
Neutralizan unha bomba da II Guerra Mundial achada nunha vivenda de Mondariz
Localizouna un particular no patio interior da súa casa e avisou a Garda Civil
Os EDEX retiraron e desactivaron o proxectil sen incidencias
Bomba achada nunha vivenda de Mondariz (Garda Civil)
Os especialistas EDEX do Servizo de Desactivación de Artefactos Explosivos da Garda Civil neutralizaron unha bomba da II Guerra Mundial aparecida en Mondariz durante unha mudanza.
Os feitos, segundo informou este mércores o instituto armado, tiveron lugar o pasado domingo, cando un particular localizou a bomba no patio interior da vivenda e avisou á Garda Civil, que activou o protocolo para estes casos.
Así, os EDEX procederon á retirada e neutralización do proxectil, cuxas tarefas se desenvolveron sen incidentes e confirmaron que se trata dun proxectil aéreo, modelo MK15, proveniente da pasada II Guerra Mundial. O artefacto mide un metro de lonxitude e 20 centímetros de diámetro.
Os Técnicos Especialistas en Desactivación de Explosivos da Garda Civil lembran que a forma de actuar ante o achado dalgún artefacto explosivo consiste en non tocar nin manipular o obxecto e avisar de inmediato a través do teléfono 062.
