Nova avaría do tren de luxo Transcantábrico, que obrigou a continuar a viaxe turística en bus

Unha avaría no tren de luxo Transcantábrico impediu que continuase viaxe cara a Ferrol.

Os 24 pasaxeiros foron trasladados en bus para seguir coa súa visita turística polo norte de España.

Ocorreu na mañá deste sábado, cando o convoi quedou sen tracción e tivo que ser apartado da vía por unha máquina.

A incidencia afectou dous servizos de Feve entre Viveiro e Ortigueira, pero a media mañá xa se restableceu a normalidade.

O ano pasado o Transcantábrico xa sufrira unha avaría semellante en Burela.