O acusado do crime de Oza-Cesuras alega que perseguiu a vítima e despois xa a viu morta
O acusado do crime de Oza-Cesuras alega que perseguiu a vítima e despois xa a viu morta
Declara que foi tras ela para que non avisara a policía tras o roubo e que despois de perdela de vista escoitou un disparo e xa a atopou morta
A Fiscalía pide 28 de cadea
![](https://img-g24-crtvg.flumotion.com/prog24/2023/20231116/acusadocrimeozacesuras.png)
O acusado do crime de Oza-Cesuras alegou que perseguiu a vítima nun intento de roubo "para que non avisase a policía" e logo, tras perdela de vista, viu o seu cadáver tras un disparo que atribúe a un compañeiro, que nunca foi atopado.
A sección primeira da Audiencia Provincial da Coruña acolleu a sexta sesión do proceso, con xurado, por uns feitos ocorridos o 15 de xaneiro de 2021, cando unha muller de 33 anos, convalecente tras unha operación e ao coidado dun fillo de dous anos, foi executada por un disparo na cabeza, no seu domicilio de Oza-Cesuras.
Declaración do acusado
Tras a celebración de todo o xuízo, o acusado, que o primeiro día se declarou inocente do asasinato e culpable dun intento de roubo relatou que aquel día foi a por drogas a Meicende onde se atopou cun coñecido de nacionalidade portuguesa chamado Paolo, non atopado durante a instrución e que propuxo ir "roubar".
Segundo a súa versión, o seu compañeiro propuxo ir a unha casa porque sería máis fácil vender a mercadoría e el ocorréuselle a vivenda da vítima: "Porque estaba baleira, sabía que non había ninguén, que non había moradores", detallou tras afirmar que "imaxinaba" os horarios de traballo da muller. Na vivenda non había luz, pero ao chegar á porta atopáronse coa vítima, á que empezou a perseguir o seu compañeiro mentres ela "gritaba axuda ou socorro" e o acusado díxolle: "Cala, non sigas gritando", pero "empezou a correr". "A miña reacción foi saltar o valo e empezar unha persecución para que non avisase á Policía".
Relatou que despois perdeuna de vista. "Saltei ao bordo do tellado e vina tirada e co brazo estendido, pero antes escoitei un petardazo", asegurou.
Declaracións de peritos
Durante a sesión tamén declararon numerosos peritos, que matizaron que a pegada atopada no cadáver, cuxa orixe non foi identificada, non corresponde cunha pisada, senón cunha marca dalgunha outra cuestión. Tamén detallaron que había restos de pólvora na arma e o chaleco reflector, pero non nas mans.
Peticións das partes
A Fiscalía pide 28 anos de prisión por asasinato e tenencia ilícita de armas, a acusación particular solicita prisión permanente revisable e a defensa reclama unha condena polo roubo en grao de tentativa, de ata 3 anos.