O aeroporto de Sá Carneiro estará pechado o día 10 de setembro
O aeroporto de Sá Carneiro estará pechado o día 10 de setembro
Acometeranse obras de ampliación por valor de 50 millóns de euros
O obxectivo dos traballos é ampliar a súa capacidade até 40 millóns de viaxeiros anuais
O veciño aeroporto do Porto, Francisco Sá Carneiro, anuncia un investimento de 50 millóns de euros para reformar a súa pista e ampliar a súa capacidade até 40 millóns de viaxeiros anuais a longo prazo... as obras poderán interromper a actividade da terminal en momentos puntuais.
A empresa que xestiona os aeroportos lusos, asinou cunha construtora española un contrato para reformar e ampliar a pista do aeroporto de Sá Carneiro, no Porto.
As obras comezarán o 31 de xullo e durarán 19 meses pero só se prevén cortes na actividade o día 10 de setembro, cando a terminal pechará por completo.
As obras están enmarcadas nunha serie de ampliacións para que o aeroporto atinxa os 40 millóns de visitantes anuais a longo prazo. O ano pasado superou a barreira dos 15 millóns e agárdase que este ano roce os 15,6 millóns de pasaxeiros, cun total de 40 destinos.
O investimento vén precedido doutro por valor de 30 millóns, para a ampliación da pista e a instalación de postos de facturación.
