O Arenteiro encadea a terceira vitoria consecutiva (2-0)

O Arenteiro continúa coa súa espectacular serie e sumou diante da Segoviana a terceira vitoria consecutiva. O gol de Baselga xusto antes do descanso resultou determinante porque na primeira metade ningún dos dous equipos conseguira impoñer o seu fútbol. En vantaxe no marcador os segovianos non xeraron perigo sobre a porta de Diego García e o Arenteiro sentenciou cun golazo de falta marcado polo asturiano Enol.