O Arenteiro reinvéntase e comeza mellorando os incribles resultados do ano pasado

O Arenteiro é o sexto equipo de Marcos Baselga nas seis últimas temporadas. Futbolista formado no Zaragoza. Marcou un gol de penalti, outro de dianteiro que acompaña a xogada e só ten que empurrar a pelota e un terceiro de estar no sitio oportuno. Tres goles. E suma cinco nas oito primeiras xornadas. O Espiñedo ovacionouno. Quedou coa pelota ao final do partido e con ela foi cara á conferencia de prensa. Tres goles que impulsan o Arenteiro.

Este Arenteiro ten 13 puntos, a temporada pasada tiña catro menos a estas alturas. Marcháronlle boa parte dos xogadores que acadaron o éxito o ano pasado, a maioría a equipos dun nivel superior. Agardaron polo seu momento no mercado e, cando non daban un euro por eles, conseguiron completar un equipo moi competitivo. O domingo teremos outra oportunidade de velos, no derbi contra o Ourense Club de Fútbol televisado pola G2.