O BNG pide que compareza Rueda e un reforzo da Atención Primaria

O BNG pide a comparecencia do presidente na Xunta, Alfonso Rueda no Parlamento para explicar a súa xestión sanitaria que os nacionalistas cualifican de caótica. Din os nacionalistas que tras trece anos de recortes do Partido Popular, hoxe a situación de deterioro en centros de saúde, PACs e hospitais é dunha gravidade extrema.

Tras a visita ao hospital pontevedrés de Montecelo, a voceira nacional do Bloque pediu un reforzo da Atención Primaria con douscentos millóns de euros e máis medios, máis servizos, máis estabilidade laboral para os profesionais e máis especialidades, como psicoloxía clínica.