Dous anos e medio de prisión para o Cuco e a súa nai por falso testemuño
Dous anos e medio de prisión para o Cuco e a súa nai por falso testemuño
Ambos recoñeceron que mentiron no xuízo polo asasinato de Marta del Castillo
Deberán indeminzar a súa familia con 30.000 euros
O Cuco e a súa nai durante o xuízo por falso testemuño en maio (EFE)
O Xulgado do Penal número sete de Sevilla condenou a Francisco Javier García, coñecido como O Cuco e xa condenado por encubrir en 2009 o asasinato da moza Marta del Castillo, e á súa nai, a dous anos e medio de prisión por un delito de falso testemuño cometido nas súas respectivas comparecencias no xuízo celebrado en 2011.
Deberán pagar, ademais, unha multa de oito euros diarios durante seis meses. En concepto de responsabilidade civil, deberán indeminizar "de forma conxunta e solidaria" cada un dos pais de Marta do Castillo con 15.000 euros.
A sentenza axústase desta forma á petición realizada no xuízo celebrado o 26 e 27 de maio pola acusación, representada pola avogada dos pais de Marta del Castillo, de solicitar a pena máxima por este delito, fronte aos oitos meses que reclamaba a Fiscalía, e a absolución reclamada polos letrados da defensa.
A maxistrada considera probado que O Cuco e a súa nai foron citados a declarar como testemuñas no xuízo polo asasinato de Marta del Castillo concertando ambos con carácter previo xunto coa parella da acusada -xa falecida e investigada inicialmente nesta causa- unha declaración concordante e coherente a fin de dar cobertura á actuación de Francisco Javier durante a noite e a madrugada do día 24 de xaneiro de 2009, cando foi asasinada a nova.
Todo iso, segundo a xuíza do penal número 7, a propósito de que faltaban á verdade, e sen importarlles os prexuízos que iso podía irrogar para a familia da falecida.
