O Deportivo Abanca apela a Abegondo para superar a eliminatoria co Cacereño

O Deportivo feminino recibe o Cacereño na volta da primeira eliminatoria para ascender á máxima categoría. Empate (0-0) en Cáceres onde as deportivistas competiron a un excelente nivel.

O cadro estremeño foi un incómodo rival para o Deportivo na liga regular xa que gañou en Abegondo dun xeito moi claro. Agora o Deportivo pretende darlle a volta a esa dinámica e apelar ao feito de xogar na casa para sentirse favoritas. Se pasa agárdao o Granada ou o Osasuna con vantaxe nazarí de 2-0 no partido de ida.