O excéltico Renato Tapia ficha por dúas temporadas no Leganés

Mes e medio despois de finalizar o seu contrato co Celta, Renato Tapia ten novo equipo. O internacional peruano cumprirá a súa quinta tempada na liga española, agora, coa camiseta do Leganés, que anunciou a súa fichaxe este xoves.

Aos seus 29 anos, asina por dúas tempadas. O seu novo club destaca a súa ampla experiencia tanto na máxima categoría española como no fútbol europeo.

O Leganés fai un repaso á súa carreira, lembrando que "da man do Celta, Tapia competiu o últimas catro tempadas en Primeira División".

Recalcan que no seu primeiro curso en España foi "unha das revelacións do campionato, destacando pola súa despregadura no centro do campo, fortaleza e criterio á hora de distribuír o xogo".

Mencionan, así mesmo, que en Balaídos permaneceu ata esta última campaña, disputando 120 partidos oficiais co Celta.

🇵🇪 ¡@renatotapiac, un fichaje de libro! 🥒#BienvenidoTapia pic.twitter.com/5LNpkzTvoh

— C.D. Leganés (@CDLeganes) August 15, 2024